咖吔

营业中

休息中

今晚抽起條根想去食d濃味少少既菜式開下胃，諗左一陣決定食星馬菜，就去左錦薈坊既咖吔Kaya。我地嗌左4人套餐，因為都幾多野食，唔洗諗咁多，有齊我地想食既野。首先上既係半隻海南雞，有3種醬料點雞食，海南雞皮薄肉滑，雞皮油亮，皮下仲有層啫喱，口感不俗。跟住有燒豬頸肉，燒得邊位有少少焦香，豬頸肉油香十足且爽彈。胡椒湯肉骨茶好好飲，胡椒香氣好重，湯頭好清而且飲到豬肉香氣精華，肉帶骨食得出係新鮮肉。馬拉盞炒椰菜苗清新又惹味，椰菜苗好新鮮爽脆，而且好有菜香味。炸饅頭配有一碟蟹肉醬點黎食，蟹肉醬好鮮香，配饅頭食好滿足。炸牛奶條金黃鬆脆，入面既牛奶軟滑香甜，好適合作為飯後甜品。