Sky726

座落旺角彌敦道25樓，可以望到旺角嘅夜景，而餐廳內嘅裝修都好別緻，滿天星空為主題。煎慢煮美國頂級安格斯牛柳 $428雖然佢話慢煮需要耐啲嘅時間，但其實都唔係需要等好耐，口感有啲入口即化嘅感覺。慢煮黑毛豬鞍扒配意大利黑醋汁及牛肝菌醬 $188上枱已經聞到好香，黑毛豬鞍扒厚身，外脆但內多汁，而且肉質鮮嫩。火焰朱古力球 $88呢個甜品好啱打卡🤣，店員會等你準備好手機拍片後係你面前點火，外層有朱古力脆皮，當點火脆皮融化後，就可以見到雲尼拿雪糕同底層嘅朱古力蛋糕。外層朱古力脆皮點火後，會有偏重嘅酒味，配上雪糕同蛋糕，令口感更有層次。Domaine I'Herre Reserve de Rose 2018 $78朋友酒精敏感，原本諗住飲mocktail，點知今日無，只能望住我飲酒🍻呢款易入口，有果香味帶有微酸，適合女仔飲！