1
前幾日同老婆心思思，突然好想食精緻點心，二話不說就衝咗去觀塘「星海」！✨ 呢度我哋已經係第三刷，每次嚟都覺得份外滿足。餐廳環境真係冇得輸——超大落地玻璃透入自然光，座位闊落到可以攤喺度嘆茶🤍，最正係戶外露台，微風吹埋嚟，兩公婆慢慢傾計唔使趕時間，連隔籬枱都係笑住影相打卡㗎！
🚩金絲脆麻花 (4.5/5)
不得了！麻花炸到金黃色好似絲帶咁飄逸💛，咬落「索索聲」脆到耳仔都聽到！蜜糖輕輕掛面，甜度啱啱好唔黏牙，老婆話食完想encore多籠～
🚩蜂巢芋角 (4/5)
外層真係蜂巢窿窿脆到犯規🔥！一啖咬開，熱辣辣芋泥湧出嚟，仲有粒粒香菇同肉碎，鹹香綿密。不過要趁熱食，凍咗少少油香呀。
🚩原籠蔗糖馬拉糕 (5/5) 💯必試手工點心！ 深啡色嘅糕身蓬鬆到震，蔗糖香天然清甜，唔似坊間死甜。蒸得超靚，氣孔均勻似海綿，老婆大讚：「呢啲先係古早味！」
🚩春風得意腸 (4.5/5)
腸粉皮薄到透光🌯，包住脆脆網皮同彈牙蝦仁，三重口感好過癮！點少少豉油更提鮮，精緻到唔捨得食～
🚩藥膳鳳爪 (3.5/5)
藥材味幾足，當歸杞子香浸透鳳爪，夠腍唔黐骨。不過略嫌鹹咗少少，送茶就啱啱好。
🚩生磨杏汁白肺湯 (5/5) 🌟驚喜位！ 燉湯奶白濃郁，杏仁香溫柔唔攻鼻，豬肺處理得乾淨無異味。飲完成個喉嚨潤晒，老婆直呼：「呢個值回茶芥$10！」
星海絕對係我哋嘅點心食堂！💕 環境舒適到可以hea足半日，服務仲好貼心——阿姨見我哋影相，主動幫手打燈🤣。食物質素穩定，手工點心睇得出功夫，尤其馬拉糕同白肺湯真係回味～ 仲見到有人包場搞婚宴，露台佈置到星光熠熠好浪漫✨，過時過節嚟聚餐肯定正！重點係：免加一！免切餅費！ 兩公婆食到捧住肚都係$300有找，抵到笑啦～ 下次要試埋佢哋招牌「白胡椒焗蟹飯」同「遠年陳皮燒鵝伴陳村粉」，😋
