Coffee Break (鴻輝大廈)

营业中

休息中

第一個上嘅係精選餐湯，濃郁的南瓜湯入口即化，刺激完個味蕾，準備大快朵頤。跟住我哋揀嘅白酒番茄青口就到啦～配埋香脆嘅香草包，好夾。而啲青口新鮮彈牙，海鮮味與番茄配料互相配合，調味適中，唔會好鹹，好食😋來到重頭戲，香煎美國安格斯肉眼扒，一上碟已經聞到好香肉味，旁邊嘅配菜吸盡肉汁，香濃薯塊又香又軟。五成熟的牛排軟硬適中，肉質鮮嫩多汁，但肉嘅表面係煎香嘅，所以真係外焦內軟，亦都唔會話好多筋，難切或者難咬。而且仲有蔬菜雜錦伴碟，食得好味又健康而龍蝦汁海鮮意粉則是彈牙的蝦球，搭配上掛滿醬汁嘅意粉😝，好食！而甜品係佢哋自家製嘅提拉米蘇，超級好食🤤，甜度適中，即使食咗好多嘢，都唔會覺得甜膩二人餐的份量非常足夠，食到好滿足。同朋友喺晚膳時間去食，傾住計咁慢慢食，店員都唔會話催我哋，餐廳環境偏安靜，有流行嘅背景音樂，幾舒服。