影片
更多
2016-12-15
145 浏览
平時都會係女人街個邊尋覓下美食有時可能會中大伏 但有時又會有啲卧虎藏龍餐廳 今次十分成功地試到到一間高質cafe 叫做coffee break~因為佢個門口實在太吸引我地入去 而且粗略睇過一轉餐牌都覺得幾抵食 當然要比次機會佢啦一入到去就見到棵好大聖誕樹入面暖色系既bar枱配呢棵聖誕節就好似去左北歐既小聖咁 真係好有聖誕氣氛入面環境都尚算寛敞 真係符合到break 一break既主題 唔會一轉身就同隔離枱傾到計我同fd子叫左兩個dinner set~1/ 黑松露義大利飯配沙津 (HKD 98)呢個義大利飯真係不得了！完全令小編回憶係佛羅倫斯食既義大利飯～傳統既義大利飯通常為只有八成熟，似夾生飯，所以口感總係會帶少少硬硬地既感覺！呢間cafe並沒將啲義大利飯煮到好似糊仔咁，每一粒飯都十分分明，口感亦同傳統上既8成熟煮法相似！入面既牛肝菌同忌廉汁包圍著每一粒飯！真心推薦！唯一不足之處就係黑松露量較少 ，未能讓味蕾接受黑松露洗禮～但98蚊又真係唔應該要求太多黑松露既隨餐的南瓜黑醋沙津～普普通通，沒有十分驚豔的感覺～2/ 香煎三文魚柳配法式芥末子汁 （HKD 148)三文魚柳選材又係要讚下！三
有時可能會中大伏 但有時又會有啲卧虎藏龍餐廳
今次十分成功地試到到一間高質cafe 叫做coffee break~
因為佢個門口實在太吸引我地入去
而且粗略睇過一轉餐牌都覺得幾抵食
當然要比次機會佢啦
一入到去就見到棵好大聖誕樹
入面暖色系既bar枱配呢棵聖誕節就好似去左北歐既小聖咁 真係好有聖誕氣氛
入面環境都尚算寛敞 真係符合到break 一break既主題 唔會一轉身就同隔離枱傾到計
我同fd子叫左兩個dinner set~
1/ 黑松露義大利飯配沙津 (HKD 98)
呢個義大利飯真係不得了！完全令小編回憶係佛羅倫斯食既義大利飯～
傳統既義大利飯通常為只有八成熟，似夾生飯，所以口感總係會帶少少硬硬地既感覺！
呢間cafe並沒將啲義大利飯煮到好似糊仔咁，每一粒飯都十分分明，口感亦同傳統上既8成熟煮法相似！
入面既牛肝菌同忌廉汁包圍著每一粒飯！真心推薦！
唯一不足之處就係黑松露量較少 ，未能讓味蕾接受黑松露洗禮～
但98蚊又真係唔應該要求太多黑松露既
隨餐的南瓜黑醋沙津～普普通通，沒有十分驚豔的感覺～
2/ 香煎三文魚柳配法式芥末子汁 （HKD 148)
三文魚柳選材又係要讚下！三文魚柳用最原汁原味既煮法烹調，只係加左少少香草作提味，完全食到佢既鮮味
而在處理魚柳上，廚師刻意保留中間帶少許半生熟，使魚肉的嫩度剛好，唔會過熟！
唯一敗筆就係個醬汁，好似日式胡麻醬既感覺，沒有法式的感覺。
但魚柳本身就咁食已經好正，所以醬汁的敗筆沒有太大影響！
3/ 玫瑰花茶 （Set Dinner + HKD 18)
成set茶具十分精緻，賣相已經100分
一向有自己沖開玫瑰花茶既小編一睇就知啲玫瑰花係用法國種，花瓣顏色較淡，沖泡出黎既花茶都較香～可見選料都沒馬馬虎虎！
而且餐廳還很貼心提供蜜糖，岩哂啲嫌中意飲咩都有啲甜味既人
4/ 雜莓乳酪 （Set dinner +HKD 18)
飲落去唔會有死甜感，而且仲帶豐富果肉口感！食後感：
Cp值高！
個休閒環境岩哂廢青hea 一hea!
而且set dinner 都好多選擇～
希望下次可以做個廢青係到嘆杯咖啡享受下廢青人生
张贴
