鋿晶館

营业中

休息中

朋友番香港，帶佢地黎食即點即做港式點心。呢間大廚係猛料之人，曾經響日本同米芝連酒店任職，當晚8點都全場坐滿。👉🏻薑蔥斑頭腩熱辣辣用煲上，海量薑蔥炸蒜粒，斑塊係新鮮唔係雪藏，有膠質😍👉🏻菠蘿咕嚕肉酸甜味適中，咕嚕肉包裹美味醬汁仍然香脆，如果送飯一定仲正😆👉🏻月半彎鮮蝦餃今晚叫左幾樣點心都係蝦，但最好食都係蝦餃😋夠晒飽滿大粒，入面係滿滿鮮蝦，少少翠玉瓜。👉🏻芝士炸蝦春卷斜斜地橫切面好吸引，原隻大蝦令人食指大動，唔使點喼汁都夠味。👉🏻脆蘿蔔腸薄薄腸粉包住香脆炸蘿蔔絲，好食過炸兩，朋友超中意。👉🏻 大良薑汁雙皮奶🍯甜品揀左雙皮奶😚我哋食完小菜點心先食佢，暖暖地食都好美味，夠晒滑溜甜度唔高，薑味清爽。