阿木台灣麵 (豉油街)

营业中

休息中

想當年呢間嘢排晒隊，同朋友過嚟食過一次，雖然而家都要排隊，不過冇之前咁誇張，而且餐廳門口有啲台式飲品🧃可以買，仲記得當時食飽飯我仲托咗兩pack麥香紅茶🧃返屋企😆。鹽酥雞便當呢個便當真係好豐富，首先有一碟新鮮即炸、超薄粉、口感夠晒酥脆嘅鹽酥雞💯💯💯，再配一大碗肉燥飯，肉燥煮得好腍好入味，仲有配菜三小格，超滿足😋。滷水豬耳滷得好夠味，而且入口好軟腍。芝士肉鬆蛋餅🥞蛋餅份量都幾多，完全係兩人份，每舊都入口柔軟，充滿大量嘅肉鬆同芝士🧀。飲品：🍍金鑽鳳梨紅茶🥛芝士岩鹽奶蓋烏龍茶上面嗰層係滿滿嘅芝士岩鹽奶蓋，鹹鹹地又好香，仲好重奶味。