焼肉スマイル (燒肉smile)

餐廳鋪位好大，燈光明亮，整體簡潔舒適，有齊卡位同單人位，幾多個黎食都冇問題👍🏻👍🏻👍🏻餐牌選擇唔少，有多款套餐可以叫，仲有精選，套餐食唔夠仲可以單點其他食品😋😋😋日和極上盛合套餐 $298套餐包括有a5和牛、黑豚、牛小排、龍躉石斑同鮮蝦，我哋揀咗日式麻油椒鹽，特別稱讚a5和牛，雪花十分多，肉質又嫩又多汁🤤🤤其他肉都唔錯👍🏻我哋仲升級咗韓式雪蟹膏拌飯+$35 ，超好食！蟹膏十分清甜，伴飯食一流！牛肉盛合套餐 $238套餐有牛小排、板腱牛、牛橫膈膜、牛肋間條同牛呑，今次揀咗韓式辣拌醬，個醬好食！特別推薦比鍾意食辣嘅朋友🤣🤣🤣至於牛肉，相對比較有口感，牛味都比較出👍🏻👍🏻另外加咗蔥花玉子飯 +$15，流心玉子好吸引！我哋額外單點咗鮮魷魚 $38同焦糖布蕾 $28，魷魚好新鮮，而且份量唔少，布蕾又甜又滑，唔錯！野飲叫咗鳳梨冰茶 +$19 同阿里山島龍冷泡茶+$15，好大杯，超級抵飲！