長阪燒 (已結業)

今日係開學嘅第一日，放工之後老公約咗我出旺角食好嘢，話同我慶祝開學紀念日🥰（其實係佢想搵個藉口食好嘢😆）佢話上OpenRice見間餐廳好似好正咁，好多人like，所以就同我試吓。😋說實在，都唔容易搵。好彩有Google Maps😮‍💨但係一入去坐低，即刻俾個超靚嘅環境吸引住，好似去咗日本咁，聽住餐廳播嘅日文歌，我已經唔記得咗頭先有幾難搵到依間餐廳。難得嚟到，梗係食啲平時唔會食嘅嘢食啦。上嘅第一道菜係拖羅根沙律，我想話，真係超好食！忍唔住問師傅究竟係拖羅嘅邊個位置，師傅話係筋膜。咬落有口感，仲因為燒過嘅緣故有肥美嘅拖羅味，極力推薦！冇諗過燒菠蘿會連菠蘿殼一齊上，加分😆 而且個菠蘿仲要燒得好好食😋虎蝦天婦羅都炸得好好，連蝦頭都可以食晒咁滯，出邊好少會有咁大隻嘅虎蝦，如果唔係太飽，一定會再叫多兩隻。🍤燒物嘅水平都很高，不過要趁熱食，放耐咗會差少少。其中，燒雞翼、燒豆腐（個自家醬超級好食）鮮磨山葵牛肉、燒五花腩、豚肉蒜心卷都好好味，推介👍。明太子醬good good good, 配翠肉瓜都唔錯😌最後，不得不提的是燒聖子（勁多蒜蓉😆)，正！另外，最初見到「雲丹灸燒原條平目魚」，比想像中少，但真係