影片
更多
2023-11-02
61 浏览
今晚約左友人食火鍋，位於旺角鬧市，非常方便，而且特點係無限時任食火鍋，可以慢慢食，慢慢傾計，勁岩朋友聚會，亦都唔使趕住食，係真正享受火鍋美食。火鍋價錢$308-$508，有3個等級可選，主打係靚牛肉同豬肉，火鍋配料有70多款，分別有海鮮同貴精不貴多，都高質的丸類、餃類，蔬菜都新鮮。我地揀左$308 Prime Grade 美國安格斯肥牛及西班牙無激素豬肉片。火鍋湯底有16款之多，我地揀左［藥膳椰子雞］，有濃濃椰香，雞肉大件又嫩滑，豆卜吸哂湯汁味，超正。Prime Grade 美國安格斯肥牛，雪花紋好靚好平均，涮幾下就熟，入口嫩滑快要化開，牛脂好香，牛味濃郁。西班牙無激素豬肉片，薄切好快熟，肉質嫩彈無渣，豬味突出，而且唔油膩，配芝麻醬更滋味。海鮮有海蝦、事日海鮮（蜆、蟶子）、帶子仔、脆腩魚片、脆骨腩……海蝦夠哂大隻，新鮮肉質爽口彈牙，蝦味重，吸哂椰子湯汁，更鮮甜好味。蜆肉飽滿好爽口，入口爆汁鮮味。蟶子脹卜卜，入口肉彈多汁微微咸。咸蛋黃魚皮好好食，魚皮脆口輕盈唔油膩，有咸蛋的咸香，味道濃厚。另外，可以任食普通魚皮，餐廳提供4款 shake shake 粉，芝士帶奶香微咸芝士味；海苔味道較淡
火鍋價錢$308-$508，有3個等級可選，主打係靚牛肉同豬肉，火鍋配料有70多款，分別有海鮮同貴精不貴多，都高質的丸類、餃類，蔬菜都新鮮。
我地揀左$308 Prime Grade 美國安格斯肥牛及西班牙無激素豬肉片。火鍋湯底有16款之多，我地揀左［藥膳椰子雞］，有濃濃椰香，雞肉大件又嫩滑，豆卜吸哂湯汁味，超正。
Prime Grade 美國安格斯肥牛，雪花紋好靚好平均，涮幾下就熟，入口嫩滑快要化開，牛脂好香，牛味濃郁。西班牙無激素豬肉片，薄切好快熟，肉質嫩彈無渣，豬味突出，而且唔油膩，配芝麻醬更滋味。
海鮮有海蝦、事日海鮮（蜆、蟶子）、帶子仔、脆腩魚片、脆骨腩……海蝦夠哂大隻，新鮮肉質爽口彈牙，蝦味重，吸哂椰子湯汁，更鮮甜好味。蜆肉飽滿好爽口，入口爆汁鮮味。蟶子脹卜卜，入口肉彈多汁微微咸。
咸蛋黃魚皮好好食，魚皮脆口輕盈唔油膩，有咸蛋的咸香，味道濃厚。另外，可以任食普通魚皮，餐廳提供4款 shake shake 粉，芝士帶奶香微咸芝士味；海苔味道較淡，有微微紫菜風味；梅子酸甜好夾魚皮，好開胃消膩；香辣味道最重，真係夠辣夠香口。
脆腩魚片薄切無骨，入口軟滑，魚味重。脆骨腩會肥d有魚油香，肉質嫩滑。鴨血滑溜又吸湯味竹，牛柏葉好爽口，毛肚（即黑柏葉）更加爽口，同脆身，口感好好。
爆醬濃芝士牛丸，好食到追加左3次，牛丸超彈牙，牛味重，配爆金醬芝士，停唔到口。芝心松露丸，都好多芝士。手工三寶丸，細細粒好爽彈，食多幾粒都得。響鈴係必點，因為好吸湯汁，亦令我更喜歡椰子雞湯，陣陣椰香。
揀左2款特別餃子，香菇雞軟骨餃，雞軟骨好有咬口，口感獨特，一定要食。麻辣粟米豬肉餃，爆汁有粟米甜味，中和麻辣味，惹味可口。
唐生菜鮮嫩爽脆，皇帝菜溫和暖胃，娃娃菜清甜葉嫩，羽衣甘藍健康好味，煮熟口感不硬且易咬。飲品有多款罐裝選擇，亦有暖的罐裝飲品，好貼心。自家製的4款茶，我喜歡烏梅山楂，酸酸甜甜好消膩，桂花烏龍茶，清香不甜膩。最後每人一款雪糕，有Häagen-Dazs, movenpick, Dreyer's……不同口味雪糕選擇，我地食Dreyer's 培茶扭紋脆筒，培茶味濃郁，好多nuts，好味。
张贴
