長阪燒 (已結業)

餐廳係朗豪坊附近，地點都幾方便。餐廳裝修都幾有心思，佢有bar 枱位，可以睇到廚師處理食材，打卡都好靚。Oyster setOyster set 又幾抵， 138有四隻，仲有杯白酒。今日係愛爾蘭生蠔，佢嘅礦物味都幾重，味道比較豐富。雲丹拖羅蓉山盛一上枱就好震撼，佢卷物上面係滿滿既拖羅蓉，同厚厚既海膽，海膽好新鮮，味道鮮甜。雞肝、雞胸軟骨、雞皮雞肝軟嫩無腥味，佢夠厚身，口感佳。雞胸軟骨喺出邊比較少見，軟骨脆口。雞皮燒到脆卜卜，好香口。雜錦天婦羅雜錦天婦羅佢有大蝦、冬菇、南瓜、秋葵等等。炸粉厚度適中，就算放咗一陣都好脆。松葉蟹膏多士松葉蟹膏喺炒完之後會變得好香口，配上佢甜甜地嘅多士，平衡返味道，呢度仲送酒都好啱，因為味道比較豐富。宮崎楚蟹肉水菜沙律呢個沙律都幾有驚喜，佢上面係滿滿嘅蟹肉，加上沙律嘅酸甜口味，十分開胃。白酒/ rosé白酒係偏甜嘅白酒，好易入口，大部份女仔都會鍾意。而rose 佢嘅味道會層次複雜啲，亦都適合配肉類或者海鮮。