甜一點 (已結業)

旺角通菜街不嬲多隱世cafe, 今次就發掘到依間新開嘅《甜一點》，主個甜品店都係粉紅色主題，門口天花仲掛滿乾花，啱晒我充滿少女心嘅女仔。All Day Breakfast材料相當豐富：炒蛋、漢堡扒、沙律菜、煎香腸、茄汁豆、鮮果同埋窩夫。炒蛋都幾滑，一啲都唔會overcooked。好厚嘅漢堡扒，肉味濃又多汁。韓式牛牛窩夫新鮮熱辣嘅窩夫，外層香脆內層鬆軟，仲有兩球雪糕同埋鮮果，一冷一熱咁好有層次。小黃人有啲似楊枝甘露，有芒果雪糕、柚子肉、西米同埋芒果果肉，最特別嘅佢哋係椰汁底，食落啖啖椰香，好消暑呀。小黃人撈嘢成個玻璃雪糕船，最底層係芒果雪糕、上面有哂各式鮮果：芒果、士多啤梨、蜜瓜同埋哈密瓜。椰汁木瓜雪燕半個木瓜咁上，上面用左椰汁煮嘅雪燕，啖啖雪燕肉，加埋木瓜肉一齊食，好滋補。桃膠雪燕木瓜雪燕份量都好多，桃膠就煮到好腍，木瓜又清甜。甜一點 (旺角)旺角通菜街1A-1L號威達商業大廈地下D號舖