Coffee Break (鴻輝大廈)

营业中

休息中

相信大家係旺角想搵間cafe食下野都會諗起登打士廣場，雖然選擇多但論食物質素環境都唔係特別出色。今日就介紹一間環境舒服又有board game玩既cafe比大家，因為之前已經食過一次覺得唔錯就再同朋友黎食。上次我就食左一個蕃茄大蝦繪飯，我係某一篇食評提及過自己係好鐘意食risotto既所以一見到就叫左，佢個汁係好濃郁每粒飯都有蕃茄陪住你，個兩隻蝦不過不失但真係大隻，雖然佢唔係話真真正正正宗既risotto但以佢哩個價錢係絕對值得一試既。今次我就試左佢個漢堡包，好sad既係今日大啡菇賣哂，所以我就叫左個普通漢堡另加煙肉試下。 我覺得佢個肉係有肉汁，唔會好乾所有配料都好fresh既，整體不錯。但如果我再去的話我就未必會再食多次漢堡，我會選擇食佢既飯或意粉。