一入門口見到好多自助小食：豬耳、泡菜、雞腳、魚皮、雞腎等等，又有海鮮，大蜆、蝦、青口、翡翠螺、都有壽司 。
坐低咗之後我哋就開始order ！
海膽魚子軍艦好新鮮！魚子好大粒，海膽好新鮮，海膽同吞拿魚蓉手卷都係，鮮甜 😋
三文魚厚切，啖啖新鮮，有啲油脂，很好吃！帶子都大粒，肥美又甜，正！ 八爪魚同北寄貝有口感，阿根廷蝦好肥美，拇指咁粗！啱唔啱用，好味！仲有甜蝦，比阿根廷蝦更甜😙
鮑魚都大粒，食得出新鮮，有果皮同蔥，唔似出邊嗰啲好韌咬唔到，好食！
象拔蚌肉質爽口，帶少少甜，又係新鮮到極！
鱈魚肉帶點甜，啖啖肉，冇咩骨，仲有沙律醬點，好啱小朋友食！☺️
鵝肝蘋果好食！唔算大塊，但唔會肥膩，剛剛好，同一篇蘋果加埋，中和了肥膩感😎
吞拿魚肉同海膽手卷是迷你版，但是好適合放題的份量，海膽同吞拿魚蓉都好新鮮，一定要試！
焗蠔、焗帶子索了忌廉汁，十分好食！
最尾忍唔住叫咗個酸菜魚，都OK喎！好多魚，而且仲要係冇骨！太正了！
焗榴槤都唔錯，好甜，鍾意榴槤一定鍾意食呢個甜品！
嗰度有好多飲品、甜品，但最尾我哋仲食咗Häagen-Dazs雪糕，雪糕嘅高級品牌，正！
種類真係多到嘗試都試唔晒，有興趣就嚟試吓！
