Sky726

仔仔豬最愛的玩伴姨姨仔生日，為左報答佢，我地當然要請佢食返餐好。隆重其事，當然要搵間景靚，食物質素高的。位於旺角25樓高的sky726， 能俯覽九龍西靚景，吃法國大餐，美中不足就是太遲訂枱，不能在落地玻璃旁一邊用餐一邊欣賞美景。餐廳佈置也充滿電影的夢幻，一出升降機，就見佈滿燈飾，中間一個大吧枱，再入就是廚房，廚房用玻璃隔著，兩旁就是餐枱。鮮蠔伴蕃茄酸酣汁$188，先來個生蠔熱下身，生蠔極之鮮味，六隻生蠔有三個產地，口感各有不同，即使不點醬，食原味更加好。36個月巴馬火腿$108，入口香味濃郁，軟體適中，不會吃到筋。焦糖低溫鵝肝$158，香煎的吃得比較多，這個做法就第一次吃，外表脆，一咬開又有豐富的油脂香出來。燒慢煮16小時辣豬肋骨$238，每次吃西餐都少不了叫一份，是我個人喜好，份量不少，足足可以切開十條，刀叉一切，骨和肉都可以分開了，肉極之入味，又香又濃，極想不顧儀態用手拿起吃。香煎美國頂級西冷扒$288，七成熟的牛扒，上到來剛剛好熟，肉質嫩滑，表面微微焦香，中間保留了肉汁，香脆夾嫩滑。上佳作品。