SHAKE!T

营业中

休息中

👦🏻👧🏻好鐘意飲呢間嘅奶昔，有鮮果系列、經典系列、田園系列同咖啡或茶系，好多口味選擇！奶昔用上當造優質新鮮水果製作，每杯都會加入大量鮮果同新鮮牛奶，唔會加冰溝淡，所以味道特別濃厚！加上店家每日新鮮自製嘅忌廉，同自由配搭topping，令奶昔口感更加豐富。今次好好彩見到是日限定係法式焦糖奶昔，平時我地好鍾意食焦糖布甸，所以梗係唔錯過嗌番杯啦😍！食埋啖啖都充滿濃濃蛋香嘅窩夫，有鮮果系列、經典系列同🧀巴馬臣芝士系列，做正餐都冇問題呀！🥤澳洲牛油果奶昔 牛油果奶昔味道清爽順滑🥑，帶淡淡嘅牛油果香味，甜度適中。配料仲可以揀亞麻籽/奇亞籽/桃膠或者烤開心果仁，我地烤開心果仁，飲落有脆脆嘅口感，果仁炒得好香口！🥤法式焦糖奶昔 呢款係是日限定🌟！將焦糖布丁🍮、牛奶軟雪糕🍦同桃膠攪拌而成，上層用火槍輕輕燒過有層焦糖脆脆嘅表面✨，桃膠有啲煙靭嘅口感，口感好似食緊西米焗布丁咁🤣，可以當做飯後甜品，飲完會好飽肚。🧇意大利開心果醬窩夫鬆軟嘅窩夫上面淋上自家製開心果醬💚，加上大量開心果粒，食起上嚟開心果味非常濃郁，又唔會太甜，口感好豐富👍🏻！🧇金莎朱古力榛子窩夫超多朱古力榛子醬同金莎粒粒係窩夫表層🍫，邪惡又美味，