同阿仔两个行街经过呢间甜品乳酪奶昔店，小小店面美式快餐风，红白色调几醒神，外卖为主，不过出品认真有惊喜。店员好有耐性逐样介绍配搭，落单到拎齐嘢食等大概十分钟左右，好有效率。金莎朱古力榛子雪糕奶昔配 Oreo一上手已经闻到浓浓果仁朱古力香，质地偏厚身，入口幼滑，好似将金莎溶喺杯入面咁！上面加上Oreo 碎同雪糕球，增添咗少少脆口同冰冻感，愈饮愈邪恶，甜度控制得几好，唔会甜到腻，钟意朱古力同榛子嘅人必试！地扪香蕉窝夫香浓蛋香同淡淡香蕉味，窝夫即叫即整，外层微脆，入面保持到少少松软湿润，面头铺满切片香蕉，配上朱古力酱，食落去有少少似早餐同甜品嘅混合体。澳洲牛油果乳酪配奇亚籽上面洒满奇亚籽，入口先系浓稠乳酪嘅酸香，再带出牛油果嘅奶油感。奇亚籽增加咗啖啖咬口，唔系净系饮咁单调，自然清新健康。意大利开心果雪糕芭菲绵密细滑，开心果味香浓，杯入面仲加咗朱古力饼干条、冬甩粒同开心果碎，口感层次好丰富，每一啖都有少少脆口点缀，唔会得个甜字，开心果控基本上好难抗拒。用料实在＋质感丰富，钟意奶昔、窝夫同坚果甜品都真系非常有惊喜！仲有一样几好嘅系佢有免费爆谷可以免费加配，想加嘅自己可以喺枱面攞一包就可以啦！…查看更多
