漢年茶餐廳

营业中

休息中

話說嗰日朝早好趕出門口，所以最後就決定咗食呢一間老店啦，喺附近住咗咁耐都一直未幫襯過，咁本身以為茶餐廳服務都麻麻地咁我坐低咗冇幾耐已經有人幫我落單啦其實早市時段餐廳都有八成滿座㗎但係上餐速度都非常快，落咗單之後大概15分鐘內已經上菜啦沙嗲牛肉公仔麵唔算好鹹，同埋牛肉份量其實真係幾多，至少比其他我食過嘅茶餐廳多，起碼都有5塊。至於多士真係好誇張，我拎起嘅時候牛油係熱到可以流出黎，同埋個包係熱辣辣脆卜卜既，佢係真係喺岩岩係個多士機度拎返出嚟，食開快餐店嘅包都係好硬，真係沒有比較沒有傷害🤷🏿‍♀️嘢飲同炒蛋就正常啦，冇乜特別都算正常發揮😬聽朋友講呢度鹽焗雞飯好出名，諗住下次再嚟試☺️