樂酒場 がくさかば

营业中

休息中

今日同朋友去咗尖沙咀白蘭軒道嘅「樂酒場」食日本嘢，一入到去就覺得裝修好有日本風味，座位夠闊落，坐得舒服，店員仲好有禮貌，抵讚！餐牌選擇多到眼花繚亂，我哋忍唔住點咗成枱嘢食，樣樣都試吓！ 首先係「三文魚層層疊」，賣相已經贏晒！三文魚新鮮肥美，層次感十足，入口即化，正！跟住係「牛油果山葵漬」，牛油果creamy得嚟帶微微山葵辣，好開胃。「蒜燒厚切牛舌芯」絕對係驚喜之作，厚切口感彈牙，蒜香濃郁，咬落去肉汁爆出，必點！「芝士醬厚燒玉子」就啱晒芝士控，玉子香甜，芝士醬濃郁，邪惡但好滿足。「清酒煮白蛤鍋」湯底清甜，白蛤鮮味十足。最後嘅「吉列童星蝦」炸得金黃酥脆，蝦肉爽彈，點埋沙律醬，完美收尾！ 整體來講，樂酒場食物質素高，價錢合理，環境又舒服，絕對會再encore！如果你鍾意日本嘢，呢間真係值得一試！