甘味處鎌倉 (屯門市廣場1期)

营业中

休息中

週末同朋友遊車河，遊遊下去左大西北有牛既屯門🤣。咁難得黎到呢個地方，緊係要食盡佢👍🏻。所以我地食完晚餐之後，就黎左呢間位於屯門市廣場既甜品店，佢既位置唔算好大，但係因為風格好簡潔，冇好多多餘野，所以都坐得好舒服。我地一共叫左3樣野，食完真係大滿足☺️。宇治金時刨冰佢既刨冰有非常濃厚既綠茶味，唔會過甜，甜度岩岩好。雖然冇好多其他既配料，但係味道都唔會好單一，因為本身既茶味已經夠哂濃同香。天空焙茶蕨餅焙茶向來係我既最愛，而有焙茶既甜品就更加要試一試。呢杯飲品焙茶味十足，配上蕨餅層次好豐富，面頭cream又唔會過多。咖啡牛奶蕨餅咖啡既味道都不錯，配埋甜甜既蕨餅呢個組合都好夾，鐘意飲咖啡既朋友應該會好鐘意。