最近我同一班朋友都经历咗啲唔开心嘅事，大家心情都几低落。有朋友话，食甜品可以令人舒服啲，原来佢哋会拣蕨饼陪自己渡过难过嘅时刻。我听完觉得好有共鸣，就决定去试吓，睇下系咪真系有疗愈效果。我去咗屯门市广场一期嘅「甘味处镰仓」，试咗两款甜品：黑芝麻蕨饼配焙茶雪糕 🖤🍵 同 原味蕨饼配柚子雪糕 🌿🍊。蕨饼烟烟靱靱，口感好滑，唔黐牙，食落唔会太甜，份量都几足。黑芝麻味好香浓，入口有层次，唔系𠮶种死甜，我自己比较钟意；原味就用黄豆粉，味道比较淡啲，冇咁突出，但胜在清新。🍨 雪糕方面，焙茶味有啲茶香同微微苦味，几有深度；柚子雪糕就酸酸甜甜，好清爽，食完有种透气嘅感觉，夏天食应该好啱。虽然整体味道唔错，但我发现自己唔算系蕨饼嘅忠粉，纯粹满足好奇心，试过就够。☕ 同场加映：今日啱啱遇到咖啡买一送一，我都顺手买咗杯 latte。味道唔错，咖啡香有出，但甜度偏高，我自己就觉得饮唔晒。最奇怪系饮到落底时，竟然有啲烟烟韧韧嘅嘢，唔知系咪加咗啲特别材料，几有趣。整体嚟讲，呢次体验唔算惊喜，但系喺低落嘅日子入面，可以静静地食住甜品，畀自己一个喘息空间，都算系一种安慰。💭…查看更多
