築地日本料理 (金百利廣場)

营业中

休息中

以前去東京旅行，點都會去築地朝聖，食最新鮮嘅魚生！雖然近年築地已退下火線，但喺唔少人心目中，築地仍然係新鮮嘅代名詞。而位於銅鑼灣嘅築地日本料理，同樣唔會令人失望，食材新鮮當然係基本，但原來夠晒抵食，性價比夠晒高，成為我哋嘅日式飯堂。三文魚海膽丼築地日本料理嘅廚師夠晒大方，三文魚係厚切，非常肥美；至於非常鮮甜，入口甘香嘅加拿大海膽，同樣驚喜。三文魚同海膽嘅份量十足，非常抵食，而且每個刺身飯都配有麵豉湯，飽滿度十足。極上築地魚生丼講明極上，梗係餐廳精挑細選認為最好最新鮮嘅海鮮配搭啦！極上築地魚生丼分別有三文魚籽、飛魚籽、赤牡丹蝦、三文魚、帶子、海膽等，款款刺身都夠晒新鮮！三文魚籽爽脆、赤牡丹蝦爽口、帶子鮮味十足、海膽成個木板咁上，份量十足，食晒啲飯都仲有好多刺身，下次再嚟都要叫返碗，真係好滿足。