豊勝手丼 (已結業)

回憶日本之旅，最好就係去搵下美食，填滿一下想諗日本之心。剛好行街經過一間裝修好有特色啲日本餐廳。進入餐廳的感覺就好似去到日本一樣，好貼心的服務，店長仲介紹咗定時外賣🥡優惠。今次我陪同朋友堂食，仲有8折。凍凍的天氣，黎一杯暖暖的日本茶，好窩心呀。海之幸丼，一碗有齊想食的刺生，好鮮甜的日本海膽，厚厚的油甘魚，吞拿魚腩。三文魚籽配飯，正。意料之中係見到有個口感好正的魚，原黎係左口魚群邊，呢個係平時都好少見到的。口感同魚翅相同。仲有兩個蟹鉗，剛好一人一啖。再黎一個廚師發辦寿司九貫🍣，有種神秘感，係估唔到的配菜，仲有我的最愛，海鰻，真係好滿足！