居食屋「和民」 (宇晴匯)

营业中

休息中

和民開業多年，其實在中學時期已經開始食，近年佢不斷推出唔同嘅新menu，今次仲有農場系列。叫咗濃湯海鮮鍋（細），分量都幾多，有蜆、蠔、蟹柳、帶子、豆腐、金菇、菜、魚蛋，非常豐富，仲熱辣辣。今期仲有櫻海老pizza，價錢都幾抵食，所以就叫左一個。pizza係薄批，香脆嗰種，面上鋪滿咗好多櫻花蝦，而且好多芝士，味道唔錯。見到隔離枱叫咗天婦羅盒仔飯，好似好吸引咁，我哋又叫左一個。黎到真係裝滿咗，成個盒仔好似爆滿咁。有天婦羅蝦、薯仔、南瓜、菜及魚。最好食係天婦羅蝦，夠大隻，另外魚都有驚喜，炸魚好厚肉，非常大條。天婦羅做得好出色，飯都有一啲甜甜地嘅燒汁，夾埋一齊食唔會太乾。另外再叫咗軟殼蟹壽司卷，大大舊，卷物偏大件，軟殼蟹配牛油果感覺冇咁熱氣，兩個人食到飽飽。