明廚

朋友食過話好食，心郁郁都去試吓！星期五7:00到咗，全間餐廳爆曬，好彩有打去訂位。試咗招牌鹽焗奄仔蟹，嚟到真係心心眼，爆曬膏，鹹味啱啱好，好好味！

明廚第一炒，其實同小炒王差不多，不過好大碟，同埋加埋上面啲銀魚仔，炸到脆卜卜，送啤酒一流！

黃金涼瓜，個涼瓜做得好出色，裏便唔會有苦味，俾啲鹹蛋黃包住，外脆內軟！

白灼手切本地牛，牛肉非常有肉味，牛肉生熟剛剛好，鍾意食牛嘅一定要試吓！

另外仲有幾個小菜，炸乳鴿，冰火辣魷魚，椒鹽鮮魷，菠蘿生炒骨都好出色，食下飲下啤酒，開開心心過咗一晚。

值得一提，餐廳幾個老闆都好後生，個個都靚仔靚女，服務又好，下次一定會再返嚟！

鹽焗奄仔蟹

$168

明廚第一炒

1

黃金涼瓜

白灼手切本地牛

1

炸乳鴿

$58

1