豆漿大王

营业中

休息中

其實香港都有好多間豆漿大王，不過應該唔係連鎖，今次衝出屯門，試下新蒲崗既豆漿大王。我好欣賞呢碗熱玉米漿，100%新鮮粟米煮成，尤其熱辣辣既時候飲，粟米味濃厚，而且完全攪碎，非常香甜滑溜。好少地方有得飲架~ 如果去開可以去試下。咸豆漿好多料，除左油炸鬼仲有榨菜，蝦米，咸香度十足，好少咸豆漿有埋蝦米架~ 小籠包唔算太突出，皮唔算好薄身，不過厚度尚可接受，肉餡有啲似上海菜肉雲吞，唔太多湯汁，作為lunch點心都可以既~ 滷水雞翼應該經過好耐時間滷汁醃製所以好入味，而且雞肉一咬就同骨分開，就知火喉勁。粢飯好鬼好食，糯米飯唔會太多，夠薄身，主要都係用黎包住啲餡，唔係一般咁用飯塞飽肚，而且飯香軟熟。油炸鬼唔油膩兼香脆，肉鬆鬆化微甜又唔會濕氣多，榨菜咸香，所有餡料粉量適中，又係即時整，熱辣辣好好食。