蒙麵

营业中

休息中

蒙麵喺比較有創意嘅車仔麵小店，位於家維邨旁邊，嗰條街人流唔多，但成日都見到有人等位。小店座位唔多，而且坐得比較迫，咁都有咁多人，總有佢嘅過人之處。叫咗一碗喇沙湯底，配蠔仔煎蛋，紅腸，雞中翼。個蠔仔煎蛋係小店推薦嘅，又真係煎得幾好食，蠔仔脹卜卜又有鮮味，有驚喜！喇沙湯底好惹味，但好似水稀，自己偏向鐘意”杰”少少，但呢個只係個人喜好。另一碗清湯加牛腩汁，配柱候牛腩，滷水大腸，墨魚丸。腩汁湯好濃郁，牛腩有咬口，大腸都不過不失，相比起喇沙就比較普通。