南越南咖啡廳

营业中

休息中

食過好多次呢間新派越南菜，每次都好驚豔。必食惹火上身鹹檸豬頸肉！好少食到咁多汁嘅豬頸肉，仲有好香嘅香料味。今次encore咗脆米紙薄餅，香脆可口，有啲臘腸特別香。扎肉心內美米紙卷就傳統啲，不過有扎肉又有蔬菜。口味清新，好啱夏天食。基本上枱枱都點招牌金邊粉。湯底特別香濃。牛腩好軟熟入味。牛丸都好彈牙。今次試試烤蔞葉春雞配青蘋果條，點知好有驚喜，雞皮表面好多香茅之類嘅香料，香濃又特別。雞肉都好嫩滑。上次嚟都係飲樽裝飲品。柑桔檸檬綠茶、香茅青蘋果茶味道好清新。