影片
更多
2023-02-08
25 浏览
今日有朋友係外國返黎，我緊係要盡下地主之誼帶佢食餐好，上網搵到間係旺角，地點方便而且幾多好評既越南🇻🇳餐廳，一於帶朋友去試下。上到去環境幾好，真係好適合傾計食下野，果然冇選擇錯。叫左幾樣新派越南菜試下火龍芒芒蝦仁配脆蝦片：酸酸甜甜火龍果汁配芒果粒再加埋帶有咸味既蝦仁放係香脆既蝦片，味道出奇地夾，做開胃前菜一流。Shake shake雞軟骨：估唔到除左薯條🍟可以shakeshake，雞軟骨都可以用紙袋shakeshake，入面加入左好多唔同越南香料，再配埋佢地既辣粉shakex令到每一種香料都可以360度沾落雞軟骨度，真係又驚喜又好食。嫲嫲南越湯金邊粉：真心未食過一碗有咁多款又咁足料既越南湯粉，入面有(牛筋/牛尾/牛丸/牛肉片/牛肋條/油炸鬼），材料多到你唔信，配埋佢地自家每日煲超過7小時既湯頭，令成個金邊粉錦上添花。NVN咖啡骨：店員極力推介，因為真係包含創意味道於一身，又可以打卡又食到好野，首先一黎到，仲以為黎錯，點解冇點咖啡，但黎左杯咖啡，原來係我地點既咖啡骨，杯上面鋪滿棉花糖，另外俾一壺熱咖啡你淋落去d豬軟骨度，食落去好香咖啡味但又唔會搶左d豬味，味道互相輝映，真係又新奇又好食。
上到去環境幾好，真係好適合傾計食下野，果然冇選擇錯。
叫左幾樣新派越南菜試下
火龍芒芒蝦仁配脆蝦片：酸酸甜甜火龍果汁配芒果粒再加埋帶有咸味既蝦仁放係香脆既蝦片，味道出奇地夾，做開胃前菜一流。
Shake shake雞軟骨：估唔到除左薯條🍟可以shakeshake，雞軟骨都可以用紙袋shakeshake，入面加入左好多唔同越南香料，再配埋佢地既辣粉shakex令到每一種香料都可以360度沾落雞軟骨度，真係又驚喜又好食。
嫲嫲南越湯金邊粉：真心未食過一碗有咁多款又咁足料既越南湯粉，入面有(牛筋/牛尾/牛丸/牛肉片/牛肋條/油炸鬼），材料多到你唔信，配埋佢地自家每日煲超過7小時既湯頭，令成個金邊粉錦上添花。
NVN咖啡骨：店員極力推介，因為真係包含創意味道於一身，又可以打卡又食到好野，首先一黎到，仲以為黎錯，點解冇點咖啡，但黎左杯咖啡，原來係我地點既咖啡骨，杯上面鋪滿棉花糖，另外俾一壺熱咖啡你淋落去d豬軟骨度，食落去好香咖啡味但又唔會搶左d豬味，味道互相輝映，真係又新奇又好食。
烤蔞葉雞（半隻）配青蘋果條：烤雞烤到個皮剛剛好，但又保留到內裡既肉汁，不過最特別係佢個醬，形容唔到，但味道真係好好食又特別。
差不多一尺蝦：唔係講笑，差不多有成尺長，好似我前擘咁大條，又大隻，仲要係去左殼，方便食，啖啖肉，最緊要係新鮮，配埋炸芋絲，好似食薯條咁。
香矛青蘋果茶：清清既香茅味再配少少酸既蘋果茶，飲完成個口腔清新晒。
總結：依間真係一間有新意價錢實惠，食物水準高質既店。回頭指數極高。
张贴
