素年 (福隆大廈)

营业中

休息中

今晚好想食素，約朋友去深水埗試下新派素食，這餐廳以西餐素食為主，店面不太大，但洋溢著一種年青與活力。黃薑焗褔花配自家製純素奶酪，以黃薑焗幾有特色，帶黃色，上面鋪上素乳酪和藍莓，感覺相當健康，褔花脆不過硬，配點素乳酪味道清新，帶有黃薑的香味。素年經典不可能肉意大利粉，都幾大碟，賣相與一般的肉醬意粉類似，味道相當接近，如果不預先知道是素食，很可能認為就是肉醬意粉。意大利粉很煙韌彈牙，味道相當不俗。超級維他命C金奇異果野莓沙律，見到都覺得想食，份量足，蔬果好新鮮，舖上芒果醬汁，微酸甜，好開胃，真是維他命C滿滿。日式咖喱吉列豬扒意大利飯，好大碟，吉列豬扒炸得金黃香脆，好惹味，意大利飯軟滑有口感，味道調得不錯，咖喱香濃，辣度偏低。純素黑芝麻芝士蛋糕，賣相吸引，黑芝麻味超香濃，入口冰涼，好有質感，雖然不是很大件，但足以令人回味。