素年 (福隆大廈)

在香港繁忙的都市中，寻找一间既能满足味蕾又符合宗教与健康理念的餐厅并不容易。位于深水埗福华街素年，以其新鲜食材、创意菜式和纯素理念，成为我的心水之选。这次与朋友重访，点选了几款经典菜式，包括超级维他命C黑莓牛油果沙律, 此沙律系必食、泰式春卷、不可能芝士汉堡配蕃薯条、香芋番薯波波、排毒抗氧化特饮及特浓朱古力香蕉蛋糕，带来一场色香味俱全的素食盛宴。首先上桌的超级维他命C黑莓牛油果沙律是全场焦点。像吃了一盘彩虹, 沙律选用本地有机青瓜、樱桃萝卜、石榴、士多啤梨干和澳洲沙律菜，搭配鲜橙和芒果沙律汁，酸甜清新，牛油果的绵密与黑莓的微酸完美平衡。每一口都充满维他命C的活力，符合我追求排毒的健康目标，也与纯素饮食的宗教意义契合，让人感受到自然的恩赐。泰式春卷是另一亮点，外皮炸得金黄酥脆，内馅以新鲜蔬菜制成，搭配酸辣泰式酱，入口清爽不腻。素年经典不可能芝士汉堡同样惊艳， 植物肉逼真的肉感与纯素芝士融为一体，搭配现炸蕃薯条，甜中带脆，满足了对「肉食」的渴望，却完全符合素食戒律。让我感受真汉堡包口味。香芋番薯波波（8粒）是甜食爱好者的福音，软糯香甜，造型小巧可爱，与朋友分享时格外有乐趣。排毒抗氧化特饮（奇异果、富士苹果、羽衣甘蓝、燕麦奶）清新健康，微甜不腻，燕麦奶较重，完美平衡了餐点的丰富口感。热带雨林必饮. 原因我最爱的热情果味, 配上菠萝碎粒…清爽满满.最后的特浓朱古力香蕉蛋糕是压轴，湿润浓郁的朱古力与香蕉的天然甜味相得益彰，即使是低碳饮食的我，也忍不住多吃几口。今次冇叫外卖. 2个人都食左4百几蚊, 都算不错素年的食材新鲜、菜式用心，不仅满足健康与宗教需求，更让素食变得有趣而多元。我同朋友会继续这场素食之旅！…查看更多

相约朋友饭聚，友人爱吃素，提议到福华街「素年」午膳。餐厅主打纯素菜式，店内地方不大，以简约文青风作设计，配合室内嘅木质布置，环境清新舒适。点左客十九几种蔬果全日早餐，材料劲丰富，有车厘茄、大啡菇、粟米、牛油果、澳洲有机沙律菜、迷迭香意大利香草包、自家制孜然猪肉肠等等。猪肉肠肉汁丰郁，味道鲜明，配上芥末蘑菇酱，微辣微酸，意想不到的美味。面包咸咸香香，香草味回荡齿间，涂上果仁酱，满嘴坚果香。日式咖喱吉列猪扒意大利饭，素猪扒用新猪肉炸成，外皮金黄松脆，肉质软腍，有真猪扒嘅口感​，​配带淡淡果香嘅意大利饭吃，味觉新享受。香芋番薯波波，外皮香脆烟韧，里面包住软绵芋茸，入口甜度刚好。纯素特浓朱古力蛋糕，上层慕丝以柔滑嘅纯素黑朱古力制成，蛋糕体湿润松软，轻盈不腻，让人一吃爱上。餐饮点左斯里兰卡伯爵茶 同 榛子燕麦奶咖啡，咖啡滑顺香醇，喝完还有淡淡回甘香气。…查看更多

同朋友即兴约去行文青街，想揾间chill chill cafe倾吓计 ，朋友仔话想食素，精致素食嘅餐厅🥑 原来冇肉都可以咁精彩， 今次试咗素年几款招牌菜，真系有惊喜！🍔不可能芝士汉堡块汉堡肉又厚又软嫩，咬落去肉感迫真到吓亲！夹埋蕃茄、生菜、青瓜、椰菜渍同溶咗嘅纯素芝士，口感丰富到爆💥！配埋个香脆薯条，邪恶但满足到癫啊～😍🍅辣蕃茄手工贝壳粉酸酸辣辣超级开胃，贝壳粉煮得烟烟韧韧，挂汁能力满分，每啖都系浓浓蕃茄香，食到停唔到口～🔥🍗不可能黄金脆鸡块✨外皮炸到金黄酥脆，入面保持嫩滑，点埋甜酸酱简直无得顶🍌香蕉火龙果燕麦奶入口先系香蕉嘅香甜🍌，跟住火龙果嘅清新慢慢渗出，仲有燕麦奶嘅顺滑口感，微甜唔腻，健康又养颜！💚 奇异果羽衣甘蓝苹果燕麦奶健康之选！👍 羽衣甘蓝嘅青草香同奇异果嘅酸甜意外地夹🍵京都宇治玄米茶茶香醇厚得嚟带炒米香，饮完成个人暖笠笠…查看更多

🥗 食得肉多想食返一餐素食！🌿 上网睇呢间水准唔错又去开呢头入去试吓。睇左阵menu 选择唔算多不过以新派素食黎讲，选择都好贴得上潮流。落单叫左两个主食，两个小食同野饮。🦐🌶️ **泰式香辣冬荫鱿鱼圈意大利饭** 落单前职员话鱿鱼卖晒转两只虾，应该几受欢迎。个饭既软硬度适中，煮得干身小小湿。完全食到冬荫公个味同酸辣，岩平时唔食开素既朋友。只虾用荀做，口感几特别，下次有机会食返鱿鱼试吓！🌶️🌱 **川香麻辣虫草花芫茜意大利粉** 一上碟就闻到好香既麻辣味，食落去个口充满香浓既麻辣香，配合埋芫茜个香味几好食，配料有豆卜，如果唔太食得辣夹埋一齐食可以减轻！🧀🥔 **黄姜焗福花配自家制乳酪** 姜味几浓，就咁食普普通通，但系一加左个乳酪即刻升华左✨，乳酪无乜味但就可以令到福花好食咗！🍠✨ **香芋番薯波波** 好有惊喜既一个小食，个皮炸得脆，食落烟韧唔太甜有番薯味，摆耐左都一样咁脆！🥛🌾 **黑芝麻燕麦奶** 浓浓既芝麻香味，话佢系芝麻糊加燕麦奶都唔过份，当然质感滑好多，加埋淡淡既燕麦味，值得一试！🍵 **京都宇治玄米茶** 套餐包埋既饮品但唔系茶包即冲，茶入边有原茶叶可以见到。饮落去好新鲜，比樽装同茶包更香玄米味同无茶既涩味！😊🌱 整体质素好高，小小遗憾食唔到炸鱿鱼，下次食完再同大家分享啦！…查看更多

去过素年几间分店，虽然唔系经常帮衬，但总算系佢刚开业时已光顾。超级维他命C黑莓牛油果沙律：骤眼睇，沙律的卖相好吸引，颜色丰富，不过，食的时候就察觉食材聊聊可数，成碟沙律只靠唔同食材的颜色同形状制造出吸睛的视觉错觉；食材有沙律菜、樱桃萝卜、青瓜、橙、黑莓、蓝莓、士多啤梨同牛油果；需要切的食材都切到好细、好薄，望落感觉铺天盖地，食落就只有摄牙罅的身体反应。樱桃萝卜片同青瓜系薄片，士多啤梨切得到细件再混入沙律，估计实际成碟可能只得1粒士多啤梨，牛油果得几块薄片，下面由青瓜片垫高。完整的食材如蓝莓，一碟只有4-5粒，「审」喺唔同角落，睇落丰富啲。成碟最大嚿系橙，可能有细半个，始终沙律个名系「超级维他命C」，加上佢可以有效fill满只碟，又唔系咩贵嘢~香芋蕃薯波波：朋友即场用App成为素年会员，用1张电子券换咗4粒香芋蕃薯波波；波波的尺寸似一粒鱼蛋，较细粒；唔油腻，外皮烟靭，几好食，适合作为小食/甜品豆奶latte：latte分2个size：正常同迷你，唔知迷你有几多ml，但正常亦唔系多；咖啡味一般，但豆香同豆味帮佢加分，令味道同质感都变得好好；转豆奶毋需加钱，又比标配的燕麦奶多营养，建议饮啡要转豆奶今次平日黄昏嚟到，未够1800，餐厅冇乜客但已经有几张台系订座，睇嚟市道对素年冇乜影响。上次嚟系半年前，坐最入，冇乜冷气，非常焗热；今次被安排坐最出，近门口，冷气大，风亦劲，同样系麻麻地舒适。用餐时间70分钟，差唔多够钟店员就会要求埋单、交位（都真系有人排队）。收加一，但服务麻麻地，水系要求先有，店员亦冇主动refill，要递手出声先过嚟。上次嚟，用餐体验唔错，店员几热情、有活力，亦主动啲；今次嚟，服务冇乜温度，店员亦唔系好殷勤。再讲食物，2次都系点沙律，上次感觉材料丰富啲，份量大少少；今次睇落差唔多，但食落觉得已「扣底」。整体嚟讲，觉得素年已开始跌watt，亦唔系好抵食。餐厅仲有佢的特色，好似提供新菜式，如川椒芫茜虫草花意粉、腐竹皮天贝(？)汉堡等，不过，食物唔系特别平但又坐唔耐，70分钟用餐时间太短。就个人需要嚟讲，如果1个人食饭，70分钟实冇问题，但就未必会拣个低消都$100-150去解决一餐；如果系同朋友聚会/dating，70分钟后经已要揾地方转场，就绝对唔系一个理想的选择。素年值得继续支持，只系我难啲为佢定位，唔知仲有冇其他诱因可以令我嚟多一次？…查看更多