慈素小聚

营业中

休息中

餐廳裝修雅致，落地玻璃採光足令環境感覺更舒服，食物即叫即做有質素好有心思。🔶台式叉燒刈包刈包夾住炸素魚聊&素叉燒，個魚柳質地一絲絲，刈包口感柔軟，加上甜甜地嘅叉燒汁真係好好味，🔶日式芥辣蝴蝶蝦 🔶黑松露蘿蔔糕 蝴蝶蝦質地好彈牙爽口，沾芥辣醬食好夾。蘿蔔糕外層炸到香脆，可以配上辣醬、黑松露醬、甜醬。🔶鮮竹蒸牛肉球🔶燒賣 點心賣相好靚，特別個牛肉球食落口感同平時食的真係幾似，仲會配埋喼汁、辣椒豉油，燒賣味道都唔錯。🔶意大利香草忌廉天使麵（配素豬排） 素豬排炸到香脆可口，天使麵每條都掛住香濃忌廉汁。🔶紐約芝士蛋糕 自家製的cheese cake ，口滑好軟滑入口即溶咁，又唔會好膩，必點推介！🔶蜂蜜薑茶 薑同蜂蜜比例很好，甘甜同辛辣互相平衡。