Odelice! (PopCorn 1)

入將軍澳搵朋友，位於Popcorn 一樓的 Odelice! 之前食過，印象深刻，今日再嚟。地方法國風情feel，食咗當去咗旅行，店內播放著輕鬆英文歌曲，令人彷如置身外地旅遊。法國生牛肉他他~手切阿基塔牛脊肉，調味做得好好，小小 檸檬及小小香草混入生牛肉，感覺好特別，配合餐廳獨有嘅脆皮法包，是一個好好嘅前菜。 馬賽龍蝦海鮮鍋~ 半隻龍蝦、黑青口、大蜆、盲鰽及魷魚， 樣樣海鮮都好新鮮，龍蝦肉質爽口彈牙，黑青口正！仲有嫩滑盲鰽，大蜆配馬賽汁也非常可口，大量新鮮蔬菜，好健康！法國油封鴨腿~做法好複雜，油封鴨腿出面唔係周圍食到，一絲絲鴨肉令人垂涎欲滴，配合炒香咗嘅椰菜，加入少少黑醋，一流。啤梨杏仁撻~口味清新，啲cream食落一啲都唔覺膩，啤梨味道清甜，撻底好脆。呢度出名可麗餅，之前都食過真係唔錯，店員即場淋上橙酒，香濃酒味，值得一試。Anti-Stress 抗壓~材料包括香茅、薰衣草、玫瑰花瓣及蘋果乾，自己可以加入少少蜜糖，感覺好舒服，確實可以為今天沉重的工作減減壓。Passion Colada 椰香熱情特飲~這款特別調製的飲品加入白朗姆酒、檸檬香甜酒、椰奶、熱情果、橙汁及檸檬汁，飲開coc