古今二 (荃新天地)

营业中

休息中

同老婆喺荃新天地睇完戲，行行吓見到呢間日式餐廳，喺門口俾佢的菜式吸引住，一於入去試吓。呢度有傳統嘅魚生、壽司等等，但係我哋就想食吓其他嘢。叫咗個沙律做頭盤，佢哋改咗個好特別嘅名，叫龍捲風沙律，有蔬菜、海藻、蟹柳同魚子，加埋啲醬真係好開胃。跟住叫咗金龍卷同蜘蛛，呢兩樣都係廚師介紹。金龍卷係卷物，入面有炸蝦同芝士，上面放三文魚同加咗少少沙律醬，食到三文魚嘅鮮甜同炸蝦嘅香脆，配搭得又幾好喎。蜘蛛同金龍卷有啲似，不過係用炸軟殼蟹加上青瓜、牛油果同蟹柳，一樣咁出色。最後叫咗芝麻雞翼同日式煎餃。雞翼炸得層皮好香脆，又多肉，好juicy，難得。不過煎餃我哋食得慢咗，底部有少少腍咗，應該唔關餐廳嘅出品問題，整體來講係高質嘅。