羲和雅苑

营业中

休息中

一早同朋友約好左黎呢度食片皮鴨，期待已久！呢度裝修幾靚，仲有室外位置，可以望住維港食飯好正👍🏻馳名片皮鴨另外仲有幾多新派款式，與其他普通中菜好唔同， 令到好多餸都好想食。師父即場片皮鴨片皮鴨，唔好睇佢外表好普通，其實呢3個唔同部位， 包括鴨皮、鴨胸、鴨腿，配上唔同醬汁一齊食，好特別。 最有驚喜是鴨皮，因為配上海鮮醬+爆炸糖！ 係爆炸糖， 第一次搭配， 感覺好特別，中和了本身皮的油膩感覺！ 另外鴨腿可以包春卷皮配上蔥、青瓜、山楂，因為山楂味道帶酸甜，好似點海鮮醬， 但可以中和油份，食完一d 都唔會濟。花膠櫻花蝦海味籠仔飯 - 由於海鮮味道滲哂入飯， 好香好入味，而且好足料好多海鮮！ 金銀蛋浸萵荀 - 萵荀好爽口，連肉碎、 蛋一齊食好好味，份量都頗大的。我最鍾意係呢個名為金沙海皇扒白玉， 本來以為金沙一定會係炸的，點知唔係炸的👍🏻無咁熱氣。 上面金沙加上帶子粒，連豆腐一齊食， 重蛋黃味又因豆腐而變得好滑好好味呀👍🏻👍🏻👍🏻😋😋最後食個甜品紫薯燕窩蒸蛋白, 俾個名吸引左，食完一定好靚🥰 蛋白好滑，唔會過甜， 仲有燕窩份量幾多架❤️紫薯係比較新穎， 但搭配起黎都幾夾。