影片
更多
2025-05-21
1388 浏览
餐廳：斑蘭地點：尖沙咀圓方菜式：新加坡、馬來西亞餐牌：下午茶餐有唔同組合，Part A係前菜，Part B係主菜，Part C飲品。PartA+B$88，PartB+C$88，PartA+B+C$98，另收加一。仲可以加錢要甜品。平日都可以訂枱。 泰式酸辣鳳爪泰式酸辣鳳爪一客五件，墊有沙律雜菜配洋蔥圈。香茅烤雞肉串燒, 蜜糖燒菠蘿 香茅烤雞肉串燒香茅烤雞肉串燒一客兩串，用金屬叉拮住，食落啖啖肉，黃咖喱味香，跟有酸辣醬，令味道更好。伴有一粒桔仔俾你自己調味。 蜜糖燒菠蘿 $28 另加一另外我叫左蜜糖燒菠蘿，兩串起。菠蘿一大底切好，燒得燶面，面頭仲有一條菜苗，賣相絕不馬虎。味道酸甜，好開胃。 河內生牛肉湯河 河內生牛肉湯河有六片生牛肉，唔會太薄；三粒牛丸就雖然細細粒，不過都好彈牙多汁。配有洋蔥圈同芽菜，加有葱花同脆脆。河粉幼身滑溜，湯底鹹香。另配薄荷葉、辣椒粒同青檸俾你自己調味。 無骨海南雞喇沙摻摻 無骨海南雞喇沙摻摻有連皮無骨海南雞六件，非常嫩口，主要係雞脾肉，唔錯唔錯。另有吸汁豆卜2件，爽口芽菜同紫洋蔥，面頭灑上脆脆加有菜苗。個喇沙湯好香滑，辣度剛好，梛汁又夠，好惹味。摻摻即係黃色粗
地點：尖沙咀圓方
菜式：新加坡、馬來西亞
餐牌：下午茶餐有唔同組合，Part A係前菜，Part B係主菜，Part C飲品。PartA+B$88，PartB+C$88，PartA+B+C$98，另收加一。仲可以加錢要甜品。平日都可以訂枱。
泰式酸辣鳳爪
泰式酸辣鳳爪一客五件，墊有沙律雜菜配洋蔥圈。
香茅烤雞肉串燒, 蜜糖燒菠蘿
香茅烤雞肉串燒
香茅烤雞肉串燒一客兩串，用金屬叉拮住，食落啖啖肉，黃咖喱味香，跟有酸辣醬，令味道更好。伴有一粒桔仔俾你自己調味。
蜜糖燒菠蘿 $28 另加一
另外我叫左蜜糖燒菠蘿，兩串起。菠蘿一大底切好，燒得燶面，面頭仲有一條菜苗，賣相絕不馬虎。味道酸甜，好開胃。
河內生牛肉湯河
河內生牛肉湯河有六片生牛肉，唔會太薄；三粒牛丸就雖然細細粒，不過都好彈牙多汁。配有洋蔥圈同芽菜，加有葱花同脆脆。河粉幼身滑溜，湯底鹹香。另配薄荷葉、辣椒粒同青檸俾你自己調味。
無骨海南雞喇沙摻摻
無骨海南雞喇沙摻摻有連皮無骨海南雞六件，非常嫩口，主要係雞脾肉，唔錯唔錯。另有吸汁豆卜2件，爽口芽菜同紫洋蔥，面頭灑上脆脆加有菜苗。個喇沙湯好香滑，辣度剛好，梛汁又夠，好惹味。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。
水果冰茶
水果冰茶原來係荔枝冰茶，我叫左少甜，唔會太甜，夠解渴，有大大粒荔枝。
青檸梳打
青檸梳打有半隻青檸同好多薄荷葉，好香薄荷葉味而唔甜。
今餐食物令人滿意，餐廳環境裝修不錯，好有東南亞風情，有好多卡位，座位有私隱度。上菜快速，服務員態度友善，果然係高級商場餐廳水準。𠍿錢黎講包咁多野食都算係咁。推介！
张贴
