坐低嗌咗兩碗招牌和牛肉鹽風拉麵，每碗$128，再加兩款小食——和牛背脂小碗丼同黑豚肉餃子，各$48。
先講個拉麵，個湯真係冇得頂！同平時飲開嘅豬骨湯完全唔同，佢個和牛湯底清得嚟好有層次，飲落去第一啖係淡淡牛香，之後個鮮味先慢慢湧上嚟，完全唔會覺得膩🥰
麵係幼身直麵，咬落煙韌，同個湯好夾🍜重點係嗰幾片和牛，粉紅色靚到唔捨得食，放入口真係即！化！呀！油脂分布平均，唔使點咬已經融咗喺口裡面，正到呢😋
小食方面，個和牛背脂小碗丼真係驚喜！雖然細細碗，但鋪滿咗和牛同蔥花，撈勻之後每啖飯都充滿牛油香，邪惡得嚟好滿足🐮
至於黑豚肉餃子，煎得啱啱好，外皮脆卜卜，一咬開肉汁爆出嚟，豬肉餡調味剛剛好，唔會太鹹🥟
埋單計返每人二百幾，喺中環來講算合理價錢👍🏻
2
