同朋友去咗觀塘泰金鍋試佢哋嘅泰式火鍋放題，真係驚喜滿滿！呢度係全港第一間泰式火鍋放題店，有三款主打套餐可以揀，我今次試咗美國產極選肩胛牛小排餐。
最正係個流水蝦放題，真係可以自己即撈即煮，啲蝦仲生猛到跳跳下，都要夾多幾次搵到個技巧先夾得起，游水蝦無得輸！仲有多款即叫即做串燒，雞軟骨串燒香口到停唔到口。美國牛小排油花好靚，肉質超軟嫩，配埋青檸椰奶雞湯鍋，酸酸甜甜好開胃，估唔到泰式湯底打邊爐咁正，烚完啲嘢食好鮮甜。
另外椰漿文昌雞鍋個湯底清甜得嚟唔會膩，雞肉真係好滑溜。重有Gym Gym套餐用椰子水做湯底，感覺健康啲，啱晒注重身材嘅朋友。
自助區有成超過80款食材任揀，仲有勁多泰式甜品任食，重有個沙冰機自己整沙冰食，同埋泰國既雪條，真係飽到上心口！
晚市優惠都幾抵，平日7點前離座或者8點半後入座有成人8折，星期二會員四人同行一人免費，長者午市仲有小童價，真心抵食！
5
5
15
12
12
