影片
更多
2022-05-09
109 浏览
等了又等，政府終於放寛晚市堂食及4人一枱，於是急不及待約朋友外出吃晚餐，好耐無食越南菜，所以朋友特別搵咗一間越南餐廳試一試。餐廳位於彌敦道銀座式大廈內，一層一間餐廳，地點都幾方便，裝修都係以簡單為主，除咗天花板有一個唔關事既新年裝扮既毛毛公仔比較搞笑外，其他都正常。因為好耐無外出晚餐，再加上行完山，所以超級肚餓，叫咗好多嘢食😂🔸南越蟹肉醬配脆球餅蟹肉好多，加埋個脆球，幾得意既小食🔸南越炸豬肉春卷春卷上到黎熱辣辣，好脆，但唔係乾晒翻炸果啲，好味🔸扎肉沙律扎肉沙律就比較普通，個人覺得太濕太多汁，同埋果啲沙律都係果啲伴碟既菜，🔸脆米紙薄餅呢個薄薄地好脆口，都幾好食🔸招牌湯金邊粉🔸炸魚露雞翼食唔到魚露味，但熱辣辣好好食，雞翼都入味而且好大隻。🔸五香豬腩肉伴鍋巴呢個第二round 叫的，開始有啲飽，豬腩肉好香，配鍋巴都幾好食，但太厚切，對於女生黎講個肥肉位太有口感，建議薄一半會較好，咁食落會無咁油膩。🔸香芧豬扒配斑蘭椰香飯呢個超正，香茅豬扒好入味又係新鮮熱辣，個斑蘭椰香飯原本就咁睇以為係白飯，但原來入邊真係加咗啲椰子絲，有淡淡的斑蘭味，唔太搶，又唔會係甜，好驚喜的飯。飲品：🔸Tears of M
餐廳位於彌敦道銀座式大廈內，一層一間餐廳，地點都幾方便，裝修都係以簡單為主，除咗天花板有一個唔關事既新年裝扮既毛毛公仔比較搞笑外，其他都正常。
因為好耐無外出晚餐，再加上行完山，所以超級肚餓，叫咗好多嘢食😂
🔸南越蟹肉醬配脆球餅
蟹肉好多，加埋個脆球，幾得意既小食
🔸南越炸豬肉春卷
春卷上到黎熱辣辣，好脆，但唔係乾晒翻炸果啲，好味
🔸扎肉沙律
扎肉沙律就比較普通，個人覺得太濕太多汁，同埋果啲沙律都係果啲伴碟既菜，
🔸脆米紙薄餅
呢個薄薄地好脆口，都幾好食
🔸招牌湯金邊粉
🔸炸魚露雞翼
食唔到魚露味，但熱辣辣好好食，雞翼都入味而且好大隻。
🔸五香豬腩肉伴鍋巴
呢個第二round 叫的，開始有啲飽，豬腩肉好香，配鍋巴都幾好食，但太厚切，對於女生黎講個肥肉位太有口感，建議薄一半會較好，咁食落會無咁油膩。
🔸香芧豬扒配斑蘭椰香飯
呢個超正，香茅豬扒好入味又係新鮮熱辣，個斑蘭椰香飯原本就咁睇以為係白飯，但原來入邊真係加咗啲椰子絲，有淡淡的斑蘭味，唔太搶，又唔會係甜，好驚喜的飯。
飲品：
🔸Tears of Mermaid ，deep sea fantasy
呢2杯cocktail 來的，點既原因係因為有個波波係面好得意，味道都唔錯，okay的。
🔸南越蛋咖啡
朋友點咗杯類似奶蓋咖啡，都話幾好味，但係係熱既。
整體黎講食物質素okay, 食物上枱快，而且都係熱辣辣的，很讚👍🏻，而且暫時無限時，唔會趕你走，但唯一問題係食物種類少，似係食碗越南粉就走果啲，但明明有cocktail 應該係想你叫多啲食耐啲，我地基本上叫咗大部分食物，希望之後會加番多啲菜式。
张贴
