Chaiwala

营业中

休息中

Chaiwala 喺中環，係嗰啲「有文化氣息」嗰啲街嗰度，交通算係OK，如果搭地鐵行上去應該10分鐘到啦，睇吓你行得快唔快。入到去裝修算係幾得意，可以影吓相啦。餐廳嘅範圍非常之大，雖然入口好細同埋難搵。我哋去咗食Restaurant week，menu第一個係羊肉配包，可能因為係去到食嘅第一樣嘢，所以覺得係最好食嘅。仲有一個有好多到加埋乳酪嘅菜式，比較上酸，我自己個人唔係好鍾意。另一個係有個脆嘅波波，入邊有啲辣辣地嘅豆，跟住你可以倒啲酸嘅湯入去，一啖過我食晒。呢一點非常之特別，我自己個人覺得唔加啲湯好食啲。跟住係雞肉Tandoori同埋芝士西蘭花，雞肉都幾入味，同埋唔會煮到鞋，但係西蘭花就唔好食，太腍同埋黃色。咖喱有羊同埋雞，兩種咖喱嘅肉都比較鞋，而咖喱味藥味比較重，睇吓你鍾唔鍾意呢種口味啦，我自己就唔係十分鍾意。甜品就有雪糕同埋蛋糕，印象中有啲薑嘅味，咁雪糕就當然好食啦，不過蛋糕就麻麻哋。整體而言，最重要都係你要接受食印度菜式嘅煮法同埋味道，你就可以好好享受呢餐。我自己個人覺得佢啲嘢質素算係好好，就算口咪未必最啱我自己，我都覺得可以試吓嘅。