棠記海鮮小廚

营业中

休息中

假日入咗屯門行吓, 經過呢度簡單食個 lunch~ 見人介紹呢度嘅海鮮, 睇食物相都唔錯, 下次試吓先~我哋兩個人叫咗一碟揚州炒飯同一碟乾炒牛河share。揚州炒飯 - 係我最愛嘅炒飯! 裡面有蝦仁、叉燒、蛋、葱花、翠玉瓜粒。炒飯炒至粒粒金黃, 有鑊氣, 鹹鮮適宜, 香潤乾爽, 有炒飯特有嘅米香。蝦仁爽口彈牙; 叉燒粒幾嫩。乾炒牛河 - 炒得夠熱夠香, 芽菜及韮菜爽口, 牛肉軟嫩, 一啲都唔韌! 上面鋪上雞蛋絲及芝麻粒, 令味道層次更豐富。