三兩粉

此店舖已幫襯三次，每次都係星期六下午或星期日，並未出現像有啲食評講嘅冇人理。粉份量亦適中，係完全夠食嘅。河粉好滑嘟嘟、米漿好飲，有好香嘅米味、唔甜。豬肉非常有肉香味，糍粑亦不錯！有次選擇兩碗粉都加底,加菜、加肉，但份量太多食唔完。牛肉餅味道可以。囡囡覺得非常之好食，唯一可惜係豬油渣只有頭一次去係有少少可以食到，之後2次都已經畀人潷曬，會繼續幫襯！