新記美食

营业中

休息中

昨日師傅一支公慢慢咁向銅鑼灣方向行, 大熱天時都唔知為咩? 可能係心情極度沮喪嘅關係, 所以想四處走走!行到黎呢度, 見到呢間食店, 由於好耐都冇試過, 加上見冇咩人就入黎食餐晏仔啦; 其實以師傅印象中呢間食店一向都麻麻, 唔算好味, 但太耐冇黎, 希望有收善啦!一坐底即刻叫劃食, 師傅就揀左辣味豬皮, 辣味豬紅, 豬腸同金錢肚, 配上辣汁加米粉! 等左一陣就有得食, 先試下個湯底, 湯底幾濃幾辣, 都算幾惹味; 辣味豬皮同豬紅都唔知點解叫辣味, 坦白講真係唔算辣, 豬皮就算幾爽口, 可以; 而豬紅就好實, 一d都唔滑身, 係唔會一夾就散, 不過就一d都唔好味, 失敗; 豬腸都炆得好入味, 可惜就好韌, 口感唔好; 而金錢肚一d都唔金錢, 普普通通叫牛肚咪算囉, 又韌又鞋質素勁差, 唔得; 而米粉就冇咩特別, 一般啦!總括黎講車仔麵嘅質素唔合格, 環境一般, 仲有幾多不名飛行物體, 服務就冇, 價錢就勁貴, 樣樣都係七蚊, 四餸一麵就要成三十五蚊, 要汽水仲要九蚊, 絕對係一間掠水車仔麵; 所以師傅都唔明點解店內咁多名人明星話正, 似乎吹水居多, 莫非收左廣告費? 食埋今次後師傅肯定唔