平日的晚上, 餐廳大約有20席座位, 入座率都8成
裝修簡約, 配合埋呢個中式的名字, 唔知點解會覺得有種春回大地的感覺
開業無耐
簡單2頁的MENU, 有飯有意粉, 小食, 甜品, 有啡有茶, 選擇都好足夠
我們點咗2份主食+1個小食
蒜香奶油青口拌法包 $68, 是超出5星的評分
遞上檯的一刻, 已聞到蒜香及牛油的香氣
然而, 3件法包都是大件的, 而且是外脆內軟, 真係非一般的好吃, 是即烘的, 勁香
青口有6大隻, 蒜香奶油汁真係好出色, 唔會過咸, 用嚟蘸法包, 應該可以吃很多件, 大推!!!
本身想試試佢地嘅奶昔, 可惜當日攪拌機壞咗
所以改點一份玫瑰英式伯爵茶
入面仲加咗蘋果乾, 桂圓和紅棗呢D養生食材, 女生飲就啱哂,
有補中益氣、養血安神、潤心肺功效
主食點了兩款, 都是點了推介的
冬蔭青口海鮮蝴蝶粉 $108, 有點賣相, 不是求其放兩隻青口在面就了事
有冬蔭功的調味 (檸檬葉, 青檸, 南薑片等等)
雖然Menu上註明有一隻辣椒, 但我地覺得唔辣, 反而甜咗啲, 個汁唔太似冬蔭功, 可能就返香港人口味, 但我覺得可以再加返d酸辣,同埋多d香茅味就會似冬蔭功d
而汁不是creamy的那種, 是帶點濕潤, 呢個做得不錯, 唔會食到好dry
蝴蝶粉的熟度又剛好, 不會因為我影相耐咗而浸淋咗
另一份都很期待的
松茸味噌三文魚春之定食
睇過openrice介紹,成份日式定食咁, 而且一份餐入面有多款食物, 睇到都開心, 仲要係比較健康嘅食材, 食多咗都唔會有內疚感
有燒翠玉瓜, 小蕃薯, 豆腐, 雜菌, 水果和甜品添
三文魚是即燒的, 魚皮邊香脆, 伴碟也做到一絲不苟
定食的飯不是白飯咁簡單, 而是加了松茸味噌的有味飯,
有味的意思是食物的原味, 而不是味精的味, 配合返整份日式定食健康的概念
日式定食仲包含一杯無糖凍茶, 真係好似去咗日本旅行咁
地舖位置不錯, 大落地玻璃, 如果日頭去的話, 採光度好, 坐起窗旁位置睇書飲咖啡過一個閑暇的下午
