1
放工同同事去行街食飯，見到呢間新開嘅拉麵！餐廳依家進行試業，果日係平日夜晚都幾多人排隊，跟大隊試吓先😎見到佢Menu有個特製和牛牛骨白湯拉麵，和牛鋪滿成隻碗，真係吸引到食肉獸嘅我😈
🐮特製和牛牛骨白湯拉麵 $168
呢碗和牛牛骨白湯拉麵真心正！和牛雖然薄切，但鋪到成碗都係，入口軟嫩！🥳個牛骨白湯超濃郁，奶白色食落又唔膩，仲有膠質黏唇感~牛骨炆到軟腍入味，一夾就散，吸盡湯既精華🤩整體和牛量多食得滿足，湯底係靈魂，必encore！
🌶️牛骨麻辣叉燒拉麵 $108
呢碗牛骨麻辣叉燒拉麵辣得嚟夠過癮！湯底麻香撲鼻，辣味濃郁又唔嗆喉，仲食到牛骨嘅醇厚😈叉燒半肥瘦，吸收咗麻辣湯汁食落更加惹味！麵質掛湯，每啖都辣到咁嘅樣🥵，但幾惹味，鍾意辣嘅必試！
🥟餃子 $45
即叫即煎，煎到金黃色，每隻都煎到脆卜卜；餃子皮唔會好厚，餡料份量都多，做到皮薄餡多既程度😆
🌾麥茶 $20
3
5
