拉麵來

营业中

休息中

以前拉麵來在旺角黑布街時，我和同事時常去吃午餐。自拉麵來由旺角搬至尖沙咀後，我都未有機會去幫襯，趁今日去尖沙咀上堂，便來吃番碗拉麵，很高興拉麵和小食都保持水準以上。今日叫了碗牛舌牛尾湯拉麵追加了糖心蛋。落單時可隨自己口味選擇麵的硬度，湯的濃度，要不要葱蒜等。拉麵來的麵較硬身，是我喜歡的口感，好食。牛尾湯用牛脊骨和牛尾熬製六小時，好鮮甜，又夠熱，加埋黑椒，香葱和香荀，好惹味。先喝幾口湯，再慢慢吃用鰹魚和昆布湯醃製的安格斯牛舌，牛舌厚身，入口又香又柔軟，好好味。因為太好味，我追加多一份兩件厚身牛舌吃過夠。糖心蛋好味。加些生蒜和高菜入拉麵，更有風味。小食叫了份明太子雞翼伴酸辣青瓜，一份三隻，隻隻香脆飽滿好吸引，味道咸香有層次，好食。無花果蜂蜜啤酒第一次飲，清甜美味，好好飲。今天吃得好滿意，下次再訪。