DAYS IN THE SUN

营业中

休息中

無過黎呢條街一排，發覺又多左間新Cafe店，氣氛唔錯，就入去試試佢先。店內坐位不多，星期日黃昏時段到訪，基本上全店滿座，同朋友撘左張大枱坐，都ok唔算迫。⭐繁花精品手作餃子套餐Blossom homemade dumplings set 咖啡店竟然有餃子食，呢個神奇嘅組合，就試下佢啲餃子先。貪心啲一次過試曬佢六款口味，個人覺得韭菜豬肉同粟米豬肉最好食，其他口味都唔錯，餃子大大隻，每隻都爆餡㗎，入面都勁多豬肉，食落都幾飽喎。個餐仲有沙律菜同馬德蓮蛋糕，是日蛋糕係朱古力口味，勁濃朱古力味，正🤤⭐迷你班戟碗Mini pancake bowl另外仲要咗甜品bb班戟，口味揀左Lotus Biscoff，bb班㦸上面滲咗大量餅乾碎、香蕉片，仲有熱焦糖，呢隻餅本身有陣肉桂味，又甜又香口，又係正😍⭐榛子拿鐵Hazelnut latte靚靚拉花嘅榛子拿鐵，啡香微甜，好飲。⭐鮮奶焙茶Hojicha latte另一杯要左焙茶，同樣有靚靚嘅拉花🥰烘焙香味好正呀。悠悠閒閒嘆杯啡，可以慢慢坐冇壓力，小店真係唔錯。