京林屋 (希慎廣場)

营业中

休息中

今晚好開心約左舊同事食飯, 我地去左希慎食京林屋, 定食同甜品一TAKE 過,唔洗食完飯再搵甜品~我地先一人一個定食, 朋友要左金目鯛定食, 我要林屋定食料理定食. 2個都配焙茶飯, d 日本珍珠米吸收焙茶香，聞落甘香、有烘烤香味~ 金目鯛定食 - 金目鯛份量雖然比較少，但好在醬汁帶少少甜，而且肉質嫩滑，好好食，如果份量再多D 就好. 而林屋定食料理定食賣相勁吸引, 包括秘製汁煮木耳絲配野菜，海鮮沙律、原粒帆立貝配惹味乾魚仔、芝士腐皮卷及照燒汁鯖魚，口感豐富～之後我地仲一人一個甜品，有香港限定芭菲、特製林屋抺茶餡餅。香港限定芭菲 - 內裡除了有抹茶雪糕外，仲有白玉、蕨餅、十勝紅豆等！雪糕和紅豆軟腍，白玉煙靱，加上其他食材，口感豐富，good =]而特製林屋抺茶餡蜜 - 餡蜜包括白玉、寒天、抹茶啫喱、秘製抹茶蕨餅及抹茶雪糕，層次、質感都岩岩好！沾點附上既黑蜜，可以逼出茶既甘香，必試。