8度餐廳

朋友仔同我都好鐘意食抹茶食品，佢一見到呢間酒店出左呢個tea set就搵我一齊tea。一開始黎左薯角同雞䭔仲有杯綠茶。薯角配上少少抹茶粉，幾特別。本身薯角同雞䭔都好香脆好味。之後就上主角，三層既tea set，最上層係咸點，包括三文魚他他、吞拿魚多士同蝦沙律，中層係抹茶芝士蛋糕、抹茶千層蛋糕同芒果千層酥，下層係紅豆抹茶布甸同scone配抹茶cream。咸點就一般，三文魚他他太咸，多士唔脆。但甜點就非常出色，我鐘意抹茶味濃dd，同埋唔好太甜，佢做到了！價錢仲只係$230成set。好抵食呀！如果唔係個優惠要十月內食，真係想再食多次！