泰星匯泰國菜

营业中

休息中

之前完全唔識呢間嘢, 你都葵芳行下行下知道呢間嘢打對面有一間舖(分店), 心諗一定係好味、做得住先至會開分店, 所以就試下。午餐價錢非常抵, 而且佢哋仲有個每日精選: 只需30蚊就有一個煎蛋青咖哩雞飯再送一杯嘢飲。煎蛋青咖哩雞飯, 夠份量, 味道好, 佢嘅辣味係有層次嘅, 入口唔辣, 落咗喉嚨先慢慢啦返上嚟。另外亦有食呢個海南雞飯拼泰式豬脾黃薑飯: 味道完全對版, 分量充足, 黃薑飯香濃, 值得一提係佢嗰個點雞嗰個汁, 秘製, 香香辣辣, 令人回味。望上牆上面嘅宣傳餐牌, 佢哋仲有價錢好街坊嘅泰式咖哩炒蟹炒、及炒蟶子, 都係百零蚊有交易。好期待下一次再嚟品嚐。